Руски истражувачи откриле одлично сочувани остатоци од младенче на пештерски лав, зголемувајќи ја надежта дека овој истребен вид на лавови би можеле да го вратиме во живот.
Малото лавче најверојатно умрело пред 20 000 до 50 000 години за време на ледената ера, а тестовите ќе го покажат точниот временски период.
Лавчето е долго 45см и тежи 4кг, има сивкасто крзно и главата му лежи врз шепите, а најверојатно било 6 до 8 недели старо кога умрело.
Сибирската клима ги одржала остатоците на ова лавче совршено недопрени десетици илјади години, а тоа е толку добро сочувано што научниците дури размислуваат за можноста за негово клонирање.
Додека дилемата околу тоа дали е морално да се „оживуваат“ веќе изумрени видови на животни не се реши, научниците ќе вршат тестови врз лавчето за точно да ги одредат неговата старост, пол и причина за смрт.