HPE суперкомпјутерот Superdome Flex е повеќе од импресивно технолошко чудо.
Tоа е алатка способна за отклучување на некои од најкомплексните мистерии на универзумот, а центарот за теоретска космологија (COSMOS) на професорот Стивен Хокинг ќе го користи токму за тоа.
Меморијата на овој суперкомпјутер може да содржи 48 терабајти податоци. Бидејќи тие се складирани во ново дизајниран мемориски систем наместо во традиционален систем за складирање, компјутерот може да процесира енормни количини податоци при исклучително големи брзини.
COSMOS планираат да сортираат преку 14 милијарди години податоци со цел да ги пополнат празнините на нашите сознанија за физичката историја на универзумот.
Овој компјутер е само почетокот на потрагата по знаењето, бидејќи е прекурсор на „The Machine” (“Машината“) – ултимативната визија за компјутери на HPE. Нејзиниот прототип треба да складира 160 терабајти податоци во меморијата, а додека тоа не се оствари, истражувачката група на проф.
Хокинг ќе ги користи огромните можности на нивниот постоечки суперкомпјутер во потрагата по откривање нови работи за универзумот.
Со помош на Superdome Flex, COSMOS планираат да креираат најдетална 3D мапа на раниот универзум, со цел да се покажат локациите и позициите на космичките тела како суперновите, црните дупки и галаксиите, а проектот официјално е наречен „Зад хоризонтот (Beyond the Horizon) – посветено на Стивен Хокинг“
Оваа 3D мапа потенцијално би можела да ги потврди постоечките теории за универзумот.