Во Западна Австралија се откриени најстарите фосили на Земјата, кои датираат од пред 3.5 милијарди години, а нивната студија и анализа од истражувачите од UCLA и универзитетот Висконсин-Медисон можат да го продлабочат нашето сфаќање за потеклото на животот.
Во студијата се опишани 11 микробски фосилни примероци од 5 посебни таксони (групи од една (или повеќе) популации на организми кои се сметаат дека сочинуваат единица). Фосилните морфологии биле поврзани со хемиски потписи за кои знаеме дека се основата на животот.
Студијата исто така на научниците им дала повеќе детали во врска со начинот на кој организмите се појавиле и живееле без кислород, во најраните моменти на животот на Земјата.
Од разните видови живи организми идентификувани во карпата, тимот истражувачи пронашле фототропни бактерии кои создаваат енергија од сонцето, археи кои создаваат метан, и гемапротео бактерии кои го консумираат метанот.
Се верува дека пред формирањето на кислородот, метанот бил важен дел од раната атмосфера на Земјата, па така присуството на овие бактерии ќе им помогне на научниците да разберат како организмите преживувале во такви услови.