Тим научници од финскиот национален институт за здравје и благосостојба (THL) во Хелсинки ќе започнат со првото клиничко тестирање во светот за спреј за нос кој може да помогне во намалување на желбата за коцкање. Со него таа навика би можела потполно да се искорени.
Спрејот содржи налоксон, лек познат како конкурентен опиоиден антагонист кој вообичаено се користи за блокирање на ефектите од опиоидите и помага на луѓе предозирани од опиоиди.
Функционира така што ги спојува рецепторите на опијати без да ги активира, ефективно блокирајќи ги, намалувајќи ги ефектите на било кои дроги или лекови кои содржат опиоиди.
Лековите и дрогите кои создаваат зависност и коцкањето активираат исти нервни кола на многу сличен начин. Опиодините антагонисти, како налоксонот, исто така индиректно ги инхибираат мозочните клетки од создавање на допамин, па така луѓето не ја чувствуваат истата реакција која порано ја чувствувале кога победувале – што евентуално би им помогнало да се откажат од коцкањето.
Тестирањето започнува следната недела и вклучува 130 партиципанти, а ќе трае до една година. Во период од 3 месеци, половина од нив ќе го користат вистинскиот спреј, додека другата половина плацебото – по што ќе се споредат првичните резултати.