Јаглеродните влакна се Супермен помеѓу материјалите – тие се 5 пати посилни од челикот со само мал дел од неговата тежина, а се користат за изработка на работи како тениски рекети па до перки за турбини на патничките авиони.
Тие се прават од нафта и останати скапи состојки, правејќи го крајниот продукт значително поскап, што е причината што, на пример, овој материјал најчесто го гледаме во спортските и тркачки автомобили, а ретко кај обичните патнички.
Сега, тоа можеби ќе се промени, со тоа што научниците ќе бидат способни да ги прават јаглеродните влакна од билки наместо од нафта.
Материјалот всушност е направен од хемикалијата наречена акрилонитрил, која сега се добива од нафта, амонијак, кислород, и скап катализатор – што е причината што неговата цена се подига и спушта во зависност од цената на нафтата. Процесот за негова изработка вклучува многу топлина, а како резултат се добива и токсичен нуспроизвод.
Грег Бекам, водач на групата од NREL - националната лабораторија за обновлива енергија во САД, развил нов процес за создавање акрилонитрил од билки, и тоа од нивните делови кои луѓето не ги јадат, како стебленцата од пченка и сламата од пченицата. Научниците овие продукти ги разложиле на шеќери, кои потоа биле конвертирани во киселина и комбинирано со евтин катализатор за да се создаде акрилонитрит. Процесот не генерирал вишок топлина, и не создал токсични нуспроизводи.
Истражувачите сега работат заедно со неколку компании да произведат огромни количини акрилонитрит кој ќе биде претворен во јаглеродни влакна кои ќе се тестираат за употреба во автомобилите.