Археолозите кои ја откриле оваа 18-годишна девојка во локација која се наоѓа во денешната Грција ја нарекле Авги, што во превод значи „зора“, бидејќи живеела во „зората на човечката цивилизација“ околу 7000 год. пр.н.е. По живеење како ловци-собирачи стотици илјади години, ова било времето кога луѓето транзиционирале кон организирани општества благодарејќи на технолошкиот напредок и културните промени донесени со земјоделската револуција
Тим грчки научници и археолози од универзитетот во Атина ја претставиле оваа реконструкција во музејот на Акропол, која била направена врз основа на череп откопан во 1993-та во пештерата Теопетра во грчкиот град Тесали.
Првичните анализи на коските сугерирале дека личноста била стара 15 год. кога умрела, но анализата на забите покажала дека се работи за 18 годишник.
Истражувачите направиле 3D-принтана копија од черепот со помош на скенирање користејќи компјутерска томографија, а потоа биле креирани претпоставки на дебелината на месото на одредени анатомски точки на лицето. Овие информации се искористиле за да се состави изгледот на лицето на оваа 18 годишна девојка, додека бојата на косата и очите биле превземени од карактеристиките на популацијата која живеела тој период во тој регион.
Според Оскар Нилсон, шведскиот археолог и вајар кој работел на проектот, Авги има уникатни и не претерано женствени карактеристики на лицето и черепот. Бидејќи има рекреирано ликови на полно мажи и жени од Каменото време, тој смета дека одредени фацијални карактеристики со тек на времето исчезнале или се „измазниле“, и дека генерално човечката раса денес изгледа помалку мажествено.