Дури и најголемите сили на природата не можат да им побегнат на физичките закони – според најновите истражувања вулканот Етна полека, но сигурно се лизга кон Средоземното море.
Ова е првпат научници да забележат движење на вулкан, благодарение на повеќе од 100 GPS станици поставени на планината Етна, кои собираат податоци во врска со нејзиното позиционирање последниве 11 години.
Лизгањето е бавно, но сега е станато незапирливо, а како вулканот ќе тоне ќе предизвикува и други опасности како создавање на цунамија во околните региони.
Ова постојано движење ќе претставува проблем и за вулканолозите, бидејќи ќе имаат потешкотии да предвидат кога ќе се случуваат следните ерупции и во кој правец ќе тече магмата.
Податоците покажуваат дека вулканот се движи во источен и југоисточен правец, надолу за 1-2 степени, кон крајбрежниот град Џаре кој се наоѓа на 15 километри оддалеченост од него.
Користејќи ги бројките собрани од анализите на терен, истражувачите исто така изградиле симулирана вулканска база за да истражат што сè би се случувало.
Годишно тој се придвижува во просек 14 милиметри што значи дека опасноста не е непосредна, но опасноста во бавното движење е што тоа ќе предизвика создавање на притисок и стресови кои ќе водат до поголеми промени во пределот.
Доколку за 10 години брзината на движење е дуплирана, тогаш тоа би било поголемо предупредување, со спротивно нема за што да се грижиме барем во блиска иднина.