Тим истражувачи од Рокфелер универзитетот во Њујорк трансплатирале човечки матични клетки во новоформирани ембриони на кокошка во лабораторија, формирајќи група клетки од две различни врсти кои се наречени химери, чиј раст бил набљудуван во следните 24 до 48 часа.
Експерименталниот метод веќе обезбедил клучен увид во раните процеси на развивање на ембрионите кои претходно било невозможно да се студираат.
По оплодувањето, ембрионите на ‘рбтениците од едноставна шуплива грутка клетки се претвораат во трослојна грутка која има дефинирани оски: глава-опаш, напред-назад и лево-десно. За нетренираното око, ембрионот сè уште личи на обична грутка клетки кои немаат врска со организмот кој што подоцна ќе го оформат, но во реалноста планот за развивање на целото тело и сите негови разни видови на ткива веќе е започнат.
Благодарејќи на строгата етичка забрана за растење на човечки ембриони повеќе од 14 дена по оплодувањето, биолозите не можеле да набљудуваат како ваквите организаторски клетки се развиваат кај луѓето. Таквото знаење има исклучителна важност за репродуктивната наука, бидејќи за периодот на миграцијата на слоевите на клетките и нивното прераспределување се случуваат најголемиот број на спонтани абортуси.
За да го рекреираат ова, тимот од Рокфелер израснал колонии човечки матични клетки користејќи одредени фактори за растење кои ги форсирале да ги прифатат карактеристиките на раниот ембрион. Овие грутки клетки потоа биле трансплантирани во ембрионите од кокошка кои биле отстранети од јајцата 12 часа по оплодувањето, што коренспондира со 14-тиот ден на растењето на човечки ембрион.
Колониите на човечки клетки потоа почнале да се развиваат во нервно ткиво и да ги насочуваат клетките од кокошката да развијат секундарен нервен систем – со што методата на реплицирање била потврдена.
Човечките клетки инаку биле лимитирани на помалку од 10% во химера ембрионите и не им било дозволено да се развиваат по 48 часа.