Истражувачите идентификувале над 1016 специфични гени поврзани со интелигенцијата, од кои поголемиот дел се непознати на науката.
Интернационалниот тим воден од статистичкиот генетичар Даниела Постхума од Vrije универзитетот во Амстердам ја направил оваа студија за асоцијација на гените врз над 270 000 луѓе.
Тие направиле неврокогнитивни тестови кои ја мереле нивната интелигенција, која потоа била споредена со варијациите во нивната ДНК наречени единечни нуклеотидни полиморфизми (SNPs), при што можело да се види кои мутации се поврзани со повисоката интелигенција.
Од над 9 милиони мутации, истражувачите идентификувале 205 региони во ДНК кодот поврзани со интелигенцијата (во споредба со само 15 кои претходно биле изолирани) и 1016 специфични гени (од кои само 77 биле претходно откриени).
Според нив, гените кои нè прават попаметни исто така имаат заштитнички ефект на целото когнитивно здравје и негативна корелација со Алцхајмеровата болест, пореметувања поврзани со хиперактивност или недостаток на внимание, депресивни симптоми и шизофренија.
Овие гени пак биле поврзани со зголемени инстанци на аутизам, но и на долговечност – сугерирајќи дека луѓето со вакви генетски предиспозиции на поголема интелигенција живеат подолго.