Според ново истражување, има шанси да се соочиме со „абнормално високи“ температури следните 4-5 години, па дури и подолго зголемувајќи ги шансите за тропски бури.
Додека антропогенените (настанати со човечко влијание) климатски промени дефинитивно се фактор кој допринесува за глобалното затоплување, тие не се и единствена причина. Научниците од Националниот центар за научни истражувања (CNRS) развиле нова метода за предвидување на глобалните температури преку следење на временските аномалии, а новите бројки се поголеми од оние добиени исклучиво со анализирање на глобалното затоплување предизвикано од луѓето.
Помеѓу 1998-ма и 2013-та, светот искусил привремена пауза од глобалното затоплување, за кое време просечните температури привремено стагнирале бидејќи океаните почнале да го апсорбираат вишокот топлина, редистрибуирајќи ја енергијата низ Земјата.
Наречена PROCAST (PRObabilistic foreCAST system) новата метода ги зема в предвид тие бројки и нивната варијабилност за прецизно да ги предвиди температурните промени во иднината. Во симулации со податоци од 1880 до 2016-та, биле креирани разни ситуации на сегашните климатски состојби, при што се дошло до заклучок сега сегашниот тренд на затоплување ќе продолжи и следните 4-5 години, или подолго.
Помеѓу 2018 и 2019, има голема шанса не само да се зголеми глобалното затоплување, туку да се намалат и екстремно ниските температури во зимскиот период.
PROCAST сега засега ги предвидува само просечните температури, но истражувачите се надеваат дека наскоро ќе ги прошират овие предвидувања и за врнежите, сушите или интензивните урагански активности.