Преокупиран со проблемот со загадување на воздухот, дизајнерот Анџело Рена направил предлог за создавање на вештачка планина која би ја направила околината почиста.
Наречена „сунѓереста планина“, таа би била креирана од почвата отстранета од градежното земјиште на железничкиот тунел кој треба да ги поврзе Торино (Италија) со Лајон (Франција), а би била висока 90 метри и способна да апсорбира CO2 од атмосферата. За време на нејзината конструкција, ќе бидат ископани 6 тони почва.
Оваа планина би се простирала на површина од 11 хектари, а CO2 би го заробувала благодарение на почвата која треба да биде мешавина од песок и бетон. Таа не само што би била препознатливо зелено обележје на градот, туку и место каде луѓето би можеле да одат на прошетка, трчање, или да си ги шетаат кучињата.
Претходни истражувања покажале дека најголемиот дел од калциум карбонатот е складиран во горниот слој (10-15cm) на почвата, додека претходно искористената почва има капацитет да заробува СО2 во неорганска форма со стапка од 85 тони по хектар годишно (за период од 5 години). Тоа значи дека штом еден хектар дождовна шума може да апсорбира 5 тони по хектар годишно, една ваква планина тоа би можела да го прави тоа уште поефикасно.