Длабоко под слоевите мраз на Антарктикот, научниците откриле остатоци од одамна изгубени континенти.
Тие биле откриени со помош на сателитски податоци од гравитациско мапирање (начин на мапирање кој се користи и за океанското дно), како и од разни сеизмолошки информации.
Најголемиот дел од податоците дошле од сателитот GOCE (Gravity field & Ocean Circulation Explorer) кој орбитирал околу Земјата помеѓу 2009-та и 2013-та во мисија за детално истражување на земјината гравитација.
Податоците во врска со тоа колку рапидно се менува забрзувањето на гравитацијата како и оние за разликите помеѓу хоризонталните и вертикалните компоненти на гравитациското поле, во комбинација со сеизмолошките податоци за планетата, помогнале за создавање на тридимензионални слики на тектониката на земјините плочи дури и во тешко пристапни региони закопани под километри мраз, како Антарктикот.
Во источниот Антарктик, бил откриен мозаик од геолошки карактеристики кои откриваат сличности и разлики помеѓу кората под Антарктик и останатите континенти на кои им бил приклучен до пред 160 милиони години.
Било откриено и дека западниот Антарктик има значително потенка кора и литосфера во споредба со источниот, составена од планински „превиткани“ плочи и стабилни карпести зони. Овие карактеристики ги има кората на претходните „соседи“ на овој регион, Индија и Австралија.
Тоа всушност покажува дека континентите најверојатно биле споени во минатото, пред да се издвојат поради движењето на тектонските плочи.