Научници од кинеската академија на науките планираат да конструираат истражувачка база длабоко во јужно кинеското море, раководена од роботи со вештачка интелигенција (AI).
Оваа база може да биде „првата AI колонија на Земјата“, и ќе биде конструирана на длабочина помеѓу 6 и 11 километри, иако точната локација сè уште не е одредена, а ќе биде напојувана од кабли кои ќе ја поврзуваат со брод или платформа.
Базата ќе има пристанишни платформи како вселенска станица, од кои ќе тргнуваат и во кои ќе пристигнуваат роботски подморници кои ќе извршуваат истражувачки мисии и ќе собираат податоци врзани за морските форми на живот. Тие ќе собираат и примероци од минерали кои самата база ќе биде способна автономно да ги анализира.
И покрај тоа што океаните покриваат повеќе од 70% од површината на Земјата, луѓето имаат истражено само околу 1% од океанското дно.
Добиените податоци и истражувањата кои ќе се прават во ваквите бази би можеле да доведат до подобрување на нашето разбирање за климатските промени, но и до откритие на нови лекови или идентификување на загрозени видови животни од секаков вид.
Креирањето на оваа „AI колонија“ ќе чини околу 160 милиони долари, но откритијата кои би можеле да се добијат дефинитивно би ја оправдале инвестицијата.