Тигрите (Panthera tigris) би можеле да изумрат за помалку од една деценија доколку не преземеме нешто во врска со тоа. За последните 100 години бројката на тигри е намалена дури за 96%, паѓајќи од 100 000 на помалку од 4000 во почетокот на раниот 21 век.
За жал, работите не се подобрени до сега. Децениите ловење, шверцување и уништување на нивните живеалишта значи дека денешните тигри заземаат само околу 7% од нивниот некогашен историски опсег.
Денес постојат помеѓу 2154 и 3159 возрасни тигри во дивната, додека само во САД во заробеништво (во зоолошки градини или како миленичиња) таа бројка е околу 7000.
Подоцна овој месец треба да бидат објавени резултатите од понова и попрецизна проценка за нивниот број кои можат и да изненадат – претходна студија во Непал открила дека бројот на Бенгалски тигри двојно се зголемил од 121 на 235 (во 2009-та год.)
Експертите се надеваат дека повеќе земји ќе го следат примерот на Непал за да се остварат целите на TX2 програмата на WWF (Светската фондација за дивиот свет) амбициозен, но остварлив план да се зголеми комбинираната популација на сите 6 подвидови на овие животни на 6000 до 2022-ра.