Истражувачи од универзитетот во Мериленд креирале нов вид на материјал кој овозможува повеќе топлина да поминува низ него кога е во топло и влажно опкружување (како на испотено тело) и кој го спречува губењето на топлината во студено и суво опкружување.
Тајната на однесувањето на овој материјал е во предивото кое е направено од два различни синтетички материјали премачкани со јаглеродни нанотуби. Бидејќи едниот материјал апсорбира вода а другиот ја одбива, ткаенината се превиткува кога доаѓа во контакт со вода (како што е потта).
Ова помага за отворање на порите на материјалот притоа доближувајќи ги јаглеродните нанотуби поблиску, а далечината помеѓу нанотубите функционира на некој начин како стара телевизиска антена – менувајќи го начинот на кој материјалот реагира на радијација, во овој случај на топлината од човечкото тело.
Иако е потребно уште многу работа додека материјалот се усоврши за комерцијална употреба, според истражувачите тој процес нема да биде премногу тежок бидејќи материјалите кои се користат за правење на „базата“ веќе се на располагање, а премазот од јаглеродни нанотуби може да се постави со било кој стандарден процес на боење.