Билките се природни прoчистувачи на воздухот, кои го впиваат јаглероден диоксидот (СО2) и преку фотосинтеза креираат кислород и енергија.
Досега, истражувачите дизајнирале различни „вештачки листови“ кои овој процес го имитираат, меѓутоа иако тие функционрирале добро во лабораториски услови, тоа не го правеле во реалниот свет.
Сега, тим истражувачи од универзитетот на Илиноис во Чикаго (UIC), создале нов вид вакви листови кои би можеле да функционираат во природата.
Според нив, проблемот со досегашните вештачки листови е во тоа што впиваат СО2 од канистери под притисок во лабораторија, а во реалниот свет тоа треба да го прават од воздухот околу нив.
Новиот вештачки лист е поставен во капсула исполнета со вода, конструирана од полупропустлива мембрана. Кога сончевата светлина ја затоплува водата, таа испарува низ мембраната, а истовремено капсулата го впива јаглеродниот диоксид
Вештачкиот лист внатре во неа тој СО2 би го конвертирал во јаглерод моноксид (СО) и кислород, од кои СО би се искористил за креирање на синтетички горива како бензин или метанол, додека кислородот би се ослободувал назад во околината, или би се собирал и складирал.
Според истражувачите, вештачки лист направен со овој дизајн е 10 пати поефикасен во конвертирање на СО2 во гориво во споредба со природните листови. Поставени на површина од 500 квадратни метри, ваквите листови би можеле да го редуцираат нивото на СО2 во воздухот во околина од 100 метри за 10% секој ден.