Јапонска компанија ја споила науката и сушито за да креира храна богата со хранливи состојки базирана на индивидуалните барања на купувачите.
Компанијата Open Meals сака да креира 3D принтано суши со помош на анализирање на плунката, урината и изметот на купувачите, така да секое парче е нагодено според нивните потреби.
Концептот е замислен како ресторан со систем од роботски раце и 3D принтери во кои се внесуваат био-податоците потребни за креирање на сушито.
Истата компанија го претставила нивното 3D принтано суши минатата година, под името „sushi teleportation” – концепт со кој луѓето би можеле да бараат, преземаат и аплоадираат податоци за храна во дигитална платформа поврзана со роботска рака, која потоа би правела 3D принтани коцки направени од гел кој што се јаде.
Сега, Open Meals сакаат да користат „биолошки примероци“ за да креираат суши кое ја исполнува нутритивната побарувачка на одредена индивидуа.
Планот е да се лансира ресторан наречен Sushi Singularity, каде оние кои се заинтересирани да јадат храна инспирирана од нивните телесни течности ќе мора да направат резервација.
По резервирањето, ресторанот би испратил „здравствен тест пакет“ кој содржи епрувети кои треба да се наполнат со плунка, урина и измет, за потоа од нив да се екстрахираат биолошките податоци за да се дознае кои сè хранливи состојки им се потребни на нивните „сопственици“. Тие податоци се испраќаат на роботските раце кои ќе креираат 3D принтано суши кое ги вклучува токму тие хранливи состојки кои недостасуваат на купувачот.
Компанијата планира овој ресторан да биде лансиран во 2020.