Помина точно една година откога американски научници откриле мистериозно зголемување на количината на хемикалии кои ја уништуваат озонската обвивка, познати како хлорофлуорокарбонати (CFC)
Бидејќи нивната употреба е забранета во 1987-ма, постоело само едно објаснување: некаде на некоја непозната локација, некој го уназадува прогресот на заздравувањето на озонската дупка за една декада или повеќе.
По многу шпекулации за потеклото на овие штетни емисии, сега локацијата на нивното потекло е потврдена во научно истражување и се наоѓа на североисточниот брег на Кина.
Тој индустриски регион и по забраната продолжил (случајно или не) да ја испушта хемикалии CFC-11, чии емисии во периодот од 2008-2012 и 2014-2017 се зголемиле за околу 110% на глобално ниво.
Иако CFC-11 не е легално да се користи, тоа е една од најевтините хемикалии за изработка на пена за изолација која се вградува во фрижидерите и зградите.
По анализирање на разни документи и добивање информации од меѓународни извори, новинарите од The New York Times (NYT) и независни истражувачи откриле дека со години CFC се користи во некои фабрики во Кина, од кои дел во Xingfu, рурален индустриски град во провинцијата Шандонг, како и во Шандонг, провинција на Хебеи. И двата региони се големи индустриски производители.
Без разлика дали фабриките таму воопшто знаат што прават (иако извештајот на NYT сугерира дека го разбираат проблемот), нивните акции претставуваат сериозна закана не само за озонскиот слој, туку и за климатската криза. CFC-11 има моќен ефект на задржување на топлината во атмосферата, па така доколку неговите емисии продолжат како досега, експертите велат дека тоа би било еднакво на количината на CO2 од 16 централи напојувани со јаглен секоја година.