Генетичарот од Харвард, Џорџ Чурч, познат по неговиот план да го воскресне волнениот мамут, состави листа од генетски мутации и измени кои на луѓето би можеле да им го продолжат животот и да им дадат натчовечки „моќи“.
На листата се забележани добрите и лошите страни на модификување на секој од гените. На пример, специфична мутација на LRP5 генот може да ни даде супер-силни коски, но со тоа и побрзо ќе тонеме во вода. Други модификации, на пример, би не направиле отпорни на радијација, или би ни дале можност значително повеќе да издржиме под вода.
Сè на сè, листата ни дава еден мал преглед на промени кои можеме да ги очекуваме да се изведуваат штом „хакирањето“ на човечки гени стане побезбедно и достапно за сите.
На многу малку генотипи се запишани лошите страни, што илустрира колку малку знаеме за одредени гени. Сепак, Чурч обележал дека модифицирање на одредени гени може да предизвика сериозни медицински проблеми.
На пример, „исклучување“ на генот PCSK9 би ги намалило шансите за развивање на коронарни болести, но би ги зголемило шансите за развивање на дијабетес и когнитивни оштетувања. Отстранувањето, пак, на CCR5 генот ја зголемува резистентноста на HIV, но исто така ја зголемува и чувствителноста кон смртоносниот вирус на Западен Нил.