Кинеската биотехнолошка компанија Sinogene клонирала мачка, биолошки идентична како „оригиналната“ Garlic која умрела од болест на уринарниот тракт, но која не е истата мачка бидејќи има своја личност и формира свои сеќавања.
Сега, компанијата планира да користи систем со вештачка интелигенција за пренесување на сеќавањата од „оригиналната“ мачка, на нејзиниот клон.
Иако нема никакви докази дека таква технологија дури и постои, фактот што Sinogene размислуваат за тоа може да се смета за знак дека постои побарувачка за клонирани животни кои се идентични со нивните претходници и во телото и во духот.
Клонирањето на животни веќе е контроверзно – научниците тврдат дека клонираните животни не се здрави колку природно родените, имаат пократок животен век, а некои активисти сметаат дека клонирањето не е етичко со оглед на тоа што има полно улични животни по стационарите на кои им е потребен дом
Од Sinogene велат дека имаат клонирано неколку животни, а цената за тој процес е $35 400.