Др. Лиза Дајсон од технолошкиот институт во Масачусетс е извршниот директор на стартап компанијата наречена Air Protein, која работи на пронаоѓање на нов пристап за креирање на месо, инспирирана од Вселената.
Научниците на NASA во 60-тите и 70-тите разгледувале многу идеи за растење на храна во Вселената, при што развиле нова технологија способна да креира месо од елементи од воздухот, како СО2 (јаглерод диоксид).
Според Air Protein, тие идеи вклучувале креирање на храна низ систем со „затворена јамка“ (closed-loop), каде микроби би можеле да се користат за конвертирање на воздухот издишен од астронаутите, во храна.
Нивната нова технологија користи почетна култура (слично на онаа потребна за креирање на јогурт), на која потоа се додаваат вода, електрицитет и СО2, по што се добива протеин богат со сите есенцијални амино киселини. Кога тој протеин се меша со други природни состојки се добива мешавина од која може да се креира вкусно месо.
Почетната култура се состои од природни едноклеточни организми кои функционираат како фотосинтетизирачки билки, со конвертирање на јаглеродниот диоксид во нутритиенти.
Air Protein се приклучува на растечкиот пазар на стартап компании кои бараат нови начини за развивање на поодржливи алтернативи на месо како што се Memphis Meats (кои тоа го прават со процес кој вклучува мал број на животински клетки), како и една од Финска која произведува протеин од бактерии од почвата.
Од Air Protein сметаат дека нивниот протеин би бил корисен за долгите вселенски патувања, покрај тоа што и на луѓето на Земјата би им овозможил да уживаат во високо протеинска храна која ќе може да ја креираат „од нула“ за само неколку часа (без обработлива почва или убивање на животни).