Неврохирургот Ибен Александер тврди дека го видел рајот, откако седум дена бил во кома. Тој во својата книга „Доказ за рајот“ тврди дека постои живот после смртта.
Александер вели дека на почетокот на своето „патување“ бил на облаци растурени по темно синото небо, а потоа здогледал светлечки суштества кои, пловејќи по небото, зад себе оставаат траги.
Неурохирургот тврди дека не станува збор за птици или ангели, туку натприродни суштества какви досега не сме виделе на Земјата. Тој додава дека суштествата произведуваат звук кој бил „опиплив како дождот кој не наврнува““.
Иако станува збор за образуван човек кој има диплома од Харвард, многумина не се убедени во неговите тврдења. Повеќето сметаат дека овие суштества се само маркетиншки трик за да се зголеми продажбата на неговата книга.
– Да ја слушнев приказната од некој друг, би помислил дека станува збор за некој луд човек. Но, што ова мене ми се случи е реално – пореално од било кој друг настан во мојот живот, а тука го вбројувам и своето венчавање и раѓањето на синовите, вели доктор Александар, одговарајќи на обвиненијата за маркетиншка измама.