Мислите навистина може да влијаат врз однесувањето на телото. Група на научници на чело со Матхис Кокс успеаја да докажат дека луѓето можат да го контролираат своето тело со помош на својата свест. Тие го истражувале примерот на Вим Хоф, дански рекордер кој може да му се спротивстави на студот. Тој користи метод кој е сличен на тибетанската Тумо техника која опфаќа медитација со третото око, вежби со дишење и изложување на студ.
Научниците набљудувале 24 волонтери од кои 12 биле тренирани по методот на Вим Хоф, а преостанатите 12, не. Сите биле подложени на болест, односно им биле вбризгани бактерии кои предизвикуваат симптоми на грип. Оние кои ја практикувале техниката покажале поголема отпорност, за разлика од оние на кои им била непозната.
-Досега се сметаше дека автономниот нервен систем и вродениот имунолошкиот систем не може свесно да се контролираат. Оваа студија покажува дека преку практикување на определени техники кои се учат во краток период, симпатичкиот нервен систем и имунолошкиот навистина може да се контролираат по желба, пишува научното списание PNAS.
Слично истражување спроведоа и австралиските научници и тоа со набљудување на алергиска реакција. Двете студии потврдуваат дека имунолошкиот систем е подложен на влијанието на свеста, што значи дека мислите, верувањата и расположението може да делуваат врз состојбата на телото.