Дали сме сами во универзумот? Прашањето кое си го поставува целата човечка раса наскоро ќе го добие својот одговор.
Според Харвардскиот центар за астрофизика анализирањето на вселенскиот отпад ќе даде докази околу тоа дали во универзумот постои друга цивилизација освен нашата.
Научниците ќе бараат траги од кислород, метан и фреон со помош на телескопот James Webb Space чие лансирање се очекува во 2018-та година. Тој ќе биде од 10 до 100 пати помоќен од Hubble Space Telescopе и најверојатно ќе ги даде одговорите кои веќе одамна ги очекуваме.
James Webb ќе го детектира вселенското загадување околу планети кои наликуваат на Земјата и орбитираат околу бели џуџиња, ѕвезди кои згаснале и го загубиле своето водородно гориво.
Сепак, научниците предупредуваат дека загадувањето може да сугерира и на цивилизација која повеќе не постои, со оглед на тоа дека вселенскиот отпад може да се задржи во орбитата од десетина до 50 илјади години.