По 15 години мирување на температурите, човештвото ќе се соочи со пекол, предупредуваат научниците од универзитетот „Мекгил“ во нивната најнова студија за глобалното затоплување. Тие тврдат дека од 1998 до 2013 година растот на глобалната температура стагнирал, што било сосема природна појава која траела во интервали од 15 години.
Научниците објавија дека од 1998 година, глобалната температура се намалила од 0.27 до 0.37°С. Овие години, глобалната температура растела многу брзо, а потоа застанала на одредено ниво. Сега почнува нова доба на промени.
- Гледајќи според зголемувањето на ефектот на стаклената градина, која до сега не го покажа својот целосен потенцијал, следните години не чекаат големи горештини, изјави Шон Лавџој, еден од истражувачите.
Последната пауза, односно стагнирање на температурата се случила меѓу 1944 и 1976 година, при што природното разладување привремено го покрил трендот на затоплување, кој сега доаѓа во целосен замав. Овој шаблон е во согласност со повторувањата кои се забележани во последните 20 до 50 години, за кои научниците нашле докази во ледените јадра и езерски седименти.
Многу метеоролози тврдат дека во последните 30 години не памтат вакво необично лето. Тие предвидуваат дека летото оваа година ќе трае до месец ноември.