Од денес човештвото и планетата живеат на кредит

Светското човештво ги потроши сите природни ресурси, кои Земјата може да ги обнови во период од една година. Оваа година влеговме во „црвена зона“ еден ден порано отколку претходната година, а дури цел месец порано за разлика од 2000 година.

„Earth Overshoot Day“ е датумот во годината кога човештвото потрошило повеќе природни ресурси отколку што Земјата може да ги обнови во истиот период. Овој фатален ден секоја година доаѓа сè порано, а прагот прв пат е поминат на 19 декември 1987 година, како последица на економскиот и демографскиот пораст на почетокот на 70-тите.

Денес, 86% од светската популација живеат во земјите кои бараат повеќе од природата отколку што таа може да им обезбеди. Според Светскиот фонд за заштита на природата, би била потребна една и пол планета за да се произведат неопходните обновливи еколошки ресурси, за да се задоволат потребите на човештвото.