Со напредокот на технологијата и медицината, луѓето не ретко се прашуваат дали еден ден ќе биде возможно да се живее вечно.
Според истражувањата на група француски научници, вечниот живот и понатаму останува недостижна мечта бидејќи кај човечките суштества постои своевидна биолошка бариера која го спречува тоа.
Тимот на научници ја истражувал смртта на 1205 супер стогодишници кои починале помеѓу 1899-та и 2013-та година, како и на 19 012 атлети кои се натпреварувале на Олимписките игри од 1896-та до 2012-та година.
Кај супер стогодишниците е забележано дека животната граница се зголемувала се до 1997-ма година, слично како и кај атлетите.
Во последните години не е забележано зголемување на животната граница кај овие групи на луѓе, што сугерира дека најверојатно и во иднина нема да има појава на растечки тренд. Научниците претпоставуваат дека постои невидлива биолошка бариера која ги оневозможува луѓето да го зголемат својот животен век.
Сепак, тие напоменуваат дека нивната претпоставка се базира на релативно мал број на луѓе и на ограничен временски период, објаснувајќи дека трендот кој што го забележале можеби е само привремена аномалија.