Археолозите кои работат на големата гробница од периодот на Александар Македонски, која се наоѓа во северна Грција, влегле во подземниот комплекс. Тие успеале да го истражат ходникот од гробницата во Амфиполисот и откриле мермерен ѕид зад кој се наоѓаат уште една или две простории.
Сепак, дупката на ѕидот укажува на тоа дека гробницата одамна била ограбена.
Гробницата потекнува од периодот меѓу 325 година п.н.е – две години пред смртта на Александар Македонски – и 300 година п.н.е.
Се шпекулира дека во оваа гробница се наоѓа огромно богатство или остатоци од од нештата кои ги користел големиот војсководец, неговата сопруга и нивниот син Александар Четврти.
Александар Македонски умрел во 323 година п.н.е., а бил погребан во Египет. Древниот Амфиполис е основан во 437 година п.н.е., а таткото на Александар, Филип, го освоил во 357 година п.н.е.