Мистеријата околу Стоунхнеџ се продлабочи откако нова студија покажа дека под древниот споменик од камен постојат уште 15 нови споменици, пренесува Huffington Post.
Археолозите користеле посебни радари и 3D ласери со цел без копање да направат детална мапа на сето она што се наоѓа под споменикот. Овие технологии се користени бидејќи се далеку помалку деструктивни, за разлика од традиционалното копање.
Четиригодишниот проект "The Stonehenge Hidden Landscape Project“ покажал дека под површината се крие многу повеќе отколку што се очекуваше.
Меѓу новите откритија е и древен канал кого го дели таканаречениот Курсус ров кој се протега од исток кон запад. Археологот Винс Гафни верува дека положбата Курсусот е ускладена со пролетната и есенската рамноденица и дека новооткриениот канал најверојатно се користел како премин за луѓето кон центарот на Стоунхенџ кој е на југ.