Површината на човечката кожа крие најразлични микроорганизми меѓу кои и оној кој се нарекува Демодекс.
Станува збор за вид на крлеж со 8 нозе кој има многу сличности со пајаците, невидлив е за нашето око и живее на фоликулите од косата хранејќи се од маслата кои ги излачува нашата кожа.
Студијата спроведена на Универзитетот од Северна Калифорнија покажува дека овие крлежи мошне често може да се најдат на лицето на луѓето. Во ДНК тестовите од 29 испитаници, е забележано 100 отсто присуство на овие организми кај оние кои имаат над 18 години. Исто така е забележано е и дека Демодексот поретко се јавува кај помладите лице, а го има кај сите трупови.
Се уште не е познато како овие крлежи се распространуваат кај луѓето. Една од теориите е дека се пренесуваат од мајката на детето за време на доењето.
-Демодексот најверојатно живеел со нас навистина долго време, уште од времето кога луѓето од Африка започнале да патуваат и да шетаат по светот, најверојатно носејќи ги крлежите со нив, објаснува Мишел Траутвеј, асистент професор по етимологија.
За среќа овие микроорганизми не предизвикуваат никаква штета по човековиот организам иако постојано се присутни на нашата кожа. Со текот на годините тие се прилагодиле на нас и ние на нив како дел од заедничката еволуција.