Истражувач од институтот Global Brain, Кадел Лест, тврди дека луѓето поминуваат низ голема „еволутивна транзиција“.
За помалку од четири децении, ќе живееме подолго, ќе добиваме деца на постари години и ќе се потпираме на вештачката интелигенција за да ги извршуваме дури и најсекојдневните задачи.
Ова го предвидува научникот Кадел Лест, кој работи на институтот Global brain, тврдејќи дека дека луѓето поминуваат низ голема „еволутивна транзиција“.
Според него, таа промена е толку значајна што може да се спореди со еволуцијата на мајмуните до поразвиените видови на примати и човекот.
- Кога вие ќе имате 80 или 100 години, животниот век ќе биде многу поголем од оној на нашите баби и дедовци, вели Лест, кој прогнозира дека најголемиот дел од времето ќе го поминуваме во виртуелната реалност.
Некои еволуционисти веруваат дека луѓето ќе успеат да го доживеат дури и 120-от роденден и тоа за помалку од половина век.
Имено, една од претпоставките на еволуцијата е тоа што мозокот повеќе расте, а на организмот му е потребна поголема енергија и време да го достигне својот полн потенцијал, што се одразува и на репродукцијата, која сè повеќе се одложува.
- Светската популација моментално е во потполен хаос. Но, во оваа криза постои и прилика. Апокалипсата може да стане метаморфоза. Мислам дека следниот систем кој ќе го создаде човештвото би можел да биде многу пософистициран и праведен, за разлика од нашата сегашна цивилизација, вели Лест.
Тој додава дека луѓето во иднина ќе можат да го „паузираат“ нивниот биолошки часовник со помош на технологијата, а дека промените веќе се одвиваат.
