Што се малите лигњи во споредба со колосален примерок кој тежи 350 килограми и е со големина на минибус?
Научниците од Универзитетот за технологија од Оукленд, Нов Зеланд ја имаа уникатната можност да ја проучуваат оваа лигња, која пред 8 месеци беше фатена во водите на Антартикот на длабочина од 1600 метри.
-Ова практично е недопрен примерок, што е одлична прилика за проучување, вели Кет Болстад, експерт за лигњи. Станува збор за женка долга околу 3, 5 метри која во себе носи јајца.
Проучувањето на огромната лигња беше изведено во живо на YouTube и досега е прегледано 420 илјади пати.
Научниците веруваат дека примерокот ќе даде одговор на прашањата како каде се наоѓаат лигњите во синџирот на исхрана, кои се нивните генетски варијации, а воедно и како живеат.