Црната риба - змеј е последното нешто што би сакале да го видите како плива покрај вас додека сте во вода. Она што ќе ве шокира е застрашувачкиот изглед кој многу наликува на вонземјанинот од „Осмиот патник“.
За среќа оваа риба живее на длабочина од 2000 метри и речиси никогаш не испливува на површина. Нејзиното карактеристично живеалиште се суптропските води, но определен тип од истиот вид може да се најде и во Јадранското море.
-Кај нас сличен примерок живее на длабочини поголеми од 1000 метри и може да порасне и до 30 см, Може да се најде во Средоземното море, а на Јадранот е забележан во Јужнојадранската котлина, вели Бранко Драгичевиќ од Институтот за океанографија и рибарство во Сплит.
Интересно е тоа што кај овој вид на риби, женката е онаа која што доминира како во однос на големината, така и во однос на однесувањето.
Мажјаците немаат заби, растат до 5 см и живеат додека не се спарат со женка. За разлика од нив, женките се големи и безмилосни, растат до 50 см и имаат прилично развиена уста.