За време на 17-от и 18-от век низ Источна Европа луѓето кои биле под сомнение дека се вампири биле закопувани со најразлични бизарни ритуали, како колец во срцето или ногата.
Археолозите неодамна открија која е вистинската причина за нивата смрт благодарение на откриените скелети на територијата на Полска. Резултатите покажуваат дека сите „вампири“ биле жртви на колера, а најчесто завршувале погребани како вампири бидејќи луѓето не знаеле како да ја објаснат нивната брза смрт.
Секогаш било полесно истата да се припише на зла сила која ќе стане од гробот доколку не биде соодветно закопана, отколку на болест.
Според анализата на глеѓта од забите на 6 „вампири“ утврдено е дека станува збор за колера. Погребите на починатите се совпаѓаат со времето кога низ Источна Европа се ширела епидемија на колера, па „вампирите“ најверојатно биле првите луѓе кои починале од оваа болест.
-Луѓето од пост-средновековниот период не знаеле како се проширува болеста. Наместо научно објаснување за овие епидемии, колерата и смртта која што произлегувала од неа биле објаснети со натприродни сили во овој случај вампири, вели доктор Лесли Грегоричка од универзитетот од Јужна Алабама.
Според легендите, вампирите можеле да станат од гробот и да им ја пренесат вампирската моќ на своите жртви преку загризување.