Група на француски инженери создадоа вештачко дрво кое генерира електрична енергија користејќи го движењето на воздухот.
По тригодишно истражување тимот на Французинот Jérôme Michaud-Larivière разви прототип кој сега е инсталиран во северозападна Франција.
-Ја добив идејата кога го забележав треперењето на лисјата кога немаше никаков ветар. Енергијата мораше да доаѓа од некаде и да биде трансформирана во вати. Од тука се роди идејата за Wind Treе, вели тој.
Вештачкото дрво е со височина од 8 метри, има основа од челик и гранки на кои се поставени 100 вештачки „листови“ кои го претвораат движењето на воздухот во електрична енергија благодарение на „сечилата“ кои се сместени во нив.
Едно Wind Tree чини околу 23 илјади фунти и работи речиси бесшумно, што го прави идеално за секоја урбана средина.