Најновите достигнувања на полето на генетиката им овозможи на научниците при вештачкото оплодување да користат гени од еден татко и две мајки.
Првото бебе од три родители, две мајки и еден татко, ќе биде родено во Велика Британија следната година, а оваа земја најави серија закони, први од овој вид во светот, кои се однесуваат на оваа проблематика. Велика Британија донела закон за тоа дека и во ваквите случаи, легални старатели на детето можат да бидат само два родители.
Целта на вештачкото оплодување со три родители е да се бори против ретките генетски пореметувања кои можат да се пренесат од мајката на детето, па заради тоа се користи генетски материјал од трета мајка. Нучниците тоа го опишуваат како „ханзапласт“ за сите оние генетски предиспозиции кои би можеле да доведат до некои деформации или пореметувања.
Оваа процедура е нелегална насекаде низ светот, а научниците се прилично скептични во врска со влијанието која ќе ја има истата врз детето. Сепак, за сега ова е потенцијално најдобриот начин за да се превенираат одредени болести и ретки генетски заболувања.
- Мора да знаете дека ова не е третман, туку начин на превенирање на наследните генетски заболувања, вели професорот Еван Снајдер, кој проценува дека се потребни уште две до пет години за истражување во оваа област пред оваа процедура да може да стане масовна и вообичаена.