Постои опасност од дестабилизација на целата планета

Земјата по активности на човекот, надминала четири од девет еколошки граници и со тоа се приближи до „зоната на опасност“, се вели во студија објавена во Сајенс.



Климатските промени, исчезнување на биодиверзитетот, промена во користењето на земјиштето и изменети биохемиски циклуси, драстично измениле функционирање на планетата, наведуваат 18 водечки меѓународни истражувачи кои се потпишани на студијата.

Тие промени ја дестабилизираат комплексната интеракција на луѓето, океаните, тлото и атмосферата, предупредуваат авторите на документот со наслов Планетарни граници: Водич на човековиот развој на планетата што се менува (Planetary Boundaries: Guiding human development on a changing planet).

Со надминувањето на тие граници, не само што Земјата станува помалку гостопримлива, туку се поткопуваат и напорите за намалување на сиромаштијата и унапредување на квалитетот на животот на луѓето на планетата.

- Првпат во историјата на човештвото постои опасност од дестабилизација на целата планета, вели Јохан Роксторм, еден од авторите на студијата и професор по еколошки науки на Универзитетот во Стокхолм.

Научниците во 2009 година идентификувале и квантификувале девет планетарни граници во кои човештвото може да се развива и опстане - климатски промени, исчезнување на живи видови, циклус на азот во природата, киселост на океаните, плодност на земјиштето, свежа вода, озон, аеросоли и хемиско загадување. Граничните вредности на преостанатите пет граници - оштетување на озонската обвивка, закиселување на океаните, вода за пиење, микроскопски честички во атмосферата и хемиско загадување, засега не се надминати.

Надминување на тие граници не предизвикува автоматски - хаос, но ја турка планетата во период на несигурност.

Научниците сметаат дека најсериозно е надмината границата на климатски промени. Моментната вредност на концентрација на јаглерод-диоксид во атмосферата, гас кој влијае врз пораст на температурата на Земјата, е 395 што е многу над граничната вредност од 350.

- Сега сме на ниво на кое може да се случат нагли и иреверзибилни промени, предупредува Роксторм истакнувајќи дека топењето може да предизвика исчезнување на арктичкиот леден „покривач“.

Резултатите од студијата ќе бидат дел од новиот документ за глобалните развојни цели кој ќе биде финализиран на конференција оа ОН во септември и кој треба да ги замени Милениумските цели за развој чиј рок истекува оваа година.

Научниците се надеваат дека нивната студија ќе придонесе за создавање рамнотежа меѓу неопходниот економски развој и еколошката одржливост.

- Само затоа што денес не сме сведоци на никаков колапс не значи дека не влегува човештвото во процес што може да не доведе до катастрофален резултат во овој век, заклучува Роксторм.

 



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Н/А

Нема
Битола
Н/А
Нема
Охрид
Н/А
Нема
Скопје
Виц на денот
Муабетат двајца пријатели во кафана:
- Абе, знаеш дека од една пијачка ме фаќа?
- Ај, шо збориш, од една само???
- Да бе, и тоа обично шестата.

* * *
Прашува едно дете...
webmail
IDIVIDI Радио
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
Времена измена на режим на сообраќај на регионален пат Р1101 делница Прилеп - Битола заради интезивирање на градежни активности во врска со проект "Санација на трупот на патот кај...
Верски календар
На денешен ден
1461.- Во најкрвавата битка во Војната меѓу двете...
1772.- Умре шведскиот филозоф Емануел...
1792.- Умре шведскиот крал Густав Трети, 13 дена...
1809.- Шведскиот крал Густав Четврти мораше да...