Научниците веќе подолго време се обидуваат да објаснат зошто постои голема концентрација на масни наслаги околу женскиот задник.
Професорот Вил Ласек, од Универзитетот од Питсбург по се изгледа конечно ја расветли мистеријата поврзана со овој дел од женското тело. Според неговото истражување маснотиите кои се лоцирани во женскиот задник и бутини помагаат во развојот на нивните деца.
-За развојот на нервниот систем се потребни многу масти, а маснотиите кои се сместени во овие зони содржат DHA киселина која е примарна структурна компонента во човечкиот церебрален кортекс, објаснува тој.
Со текот на еволуцијата жените ги акумулирале добрите масти пред доаѓањето на бебето.
-Трансмисијата е преку доењето, па затоа жените брзо губат на тежината додека го дојат детето, додава Ласек.
Освен ова истражувањата покажуваат дека жените со изразени облини раѓаат поинтелигентни деца. Во минатото мажите најчесто избирале токму вакви жени бидејќи нивните деца биле посилни, а со тоа имале и поголема шанса за преживување.