Најновите истражувања покажуваат дека токму овој ген може да биде поврзан со зголемена интелигенција, а некои медиуми веќе му го дадоа синонимот „паметен ген“. Генот KL-VS е присутен кај отприлика 20% од луѓето, а при мерењето на мозокот кај личностите постари од 53 години се покажало дека тие со само една копија на генот имаат дури 10% поголема маса во префронталниот кортекс, за кој се верува дека е клучен во распоредувањето на концентрацијата и користењето на меморијата на мозокот.
Овие придобивки се однесуваат само на оние луѓе кои имаат барем една копија од овој паметен ген.
Како што луѓето ги наследуваат гените од родителите, на сите хромозоми имаме по две верзии од исти гени. Понекогаш се работи за идентичен ген, а понекогаш се работи за две различни алели – варијанти на одреден ген. Истражувањата покажале дека личностите со две копии на KL-VS алела немаат никаква корист од генот, туку се склони кон пократок животен век.
Сепак, како што живееме во ера на генетски третмани и терапии, гените со кои сме родени веќе не мора да не обележат за цел живот. Ова откритие на влијанието од генот отвора нови можности за лечење на старечката деменција и проблеми со кардиоваскуларниот систем и бубрезите.