Дали вонземјаните се поблизу отколку што претпоставуваме?
Според теоријата на астробиологот Милтон Веинврајт, вонземјаните испраќаат микроорганизми на планетата Земја со цел да ја истражат.
Тој вели дека пронашол мала метална сфера која испушта лигава материја при анализирањето на прашина и други честички кои ги собрал балон пуштен во стратосферата.
Научниците од универзитетите во Шефилд и Бакингам потврдуваат дека постои можност топчето кое е со дебелина на човечко влакно да е испратено на земјата од страна на вонземска цивилизација.
- Сферата направила мал кратер каде што паднала. Ова докажува дека патувала со огромна брзина и дека доаѓа од вселената, објаснува Веинврајт.
Научниот тим кој ја испитувал сферата открил дека е направена од титаниум, траги од ванадиум додека лигавата материја со која е обвиткана е од биолошко потекло.
Иако тврдењата на Веинврајт скептично се дочекани од научната заедница, идејата за живот во највисоките делови од Земјината атмосфера не е воопшто неочекувана . Научниците кои работат за НАСА неодамна открија дека бактериите живеат и на растојание од 8 км над површината на Земјата.