Кој знае се какви морски „чудовишта“ има покрај брегот на Австралија, бидејќи за само неколку недели се фатени две риби за какви ни самите не би си помислиле дека постојат.
Откако неодамна во водите кај Австралија беше уловена ајкула „гоблин“, сега се појави и друга необична риба. Имено еден јужноавстралиски рибар фати риба каква што досега најверојатно не сте ниту виделе. Гери Ворик никогаш во својата кариера од 30 години како рибар не видел нешто слично на ова, иако во тој регион лови толку години.
- Неверојатно е ова бидејќи во кус рок гледаме две „чудовишта“ од морските длабочини во Австралија. Откако во Нов Јужен Велс беше фатена ајкула гоблин, сега во Јужна Австралија видовме и риба со две усти, како од некој цртан филм или пак хорор, пишува Daily Mail.
Инаку Ворик за рибата вели дека двете усти се заедно.
- Ако горната се отвори, долната останува затворена. Неверојатно е како воопшто таа е жива, вели Ворик.
Интересно е тоа што во 2010-та во Канада беше фатена слична риба со две усти.