Група на научници создаде полимерен материјал што го поттикнува згрутчувањето на крвта и со тоа го спречува крвавењето.
PolySTAT гелот е создаден од био инженерите од Универзитетот од Вашингтон и има за цел да имитира природен протеин во телото кој помага во зајакнувањето на згрутчувањето на крвта.
Тимот вели дека по дадената инјекција, полимерот циркулира низ крвта, го наоѓа местото каде што е лоцирана раната и започнува да го стимулира формирањето на тромбови за да запре крвавењето.
За сега полимерот е тестиран на глувци каде што 100 проценти од животните успешно преживеале опасна повреда на феморалната артерија. Научниците веруваат дека протеинот кој во следните 5 години ќе започне да се тестира на луѓе ќе им помогне на оние повредени лица кои имаат сериозни повреди и обилно крвават.
-Повеќето од пациентите кои умираат од обилно крвавење умираат брзо. Гелот е нешто што можете да го ставите во ранец и да го дадете во самиот момент со цел да го намалите крвавењето, а со тоа да ги одржите луѓето во живот додека да им биде пружена медицинска помош, велат од тимот.