Истражувачката мисија на една студентка од Универзитетот од Висконсин резултираше со помалку бизарен, но корисен производ што можеби ќе го смени начинот на кој што ги перципираме вагиналните бактерии.
Сесилија Вестбрук создаде јогурт од културите кои може да се најдат во женската вагина со цел да го открие потенцијалот на овие бактерии. Според пишувањата првата серија на јогурт имала кисел вкус сличен на оној кој го има индискиот јогурт.
Данскиот микробиолог, Розан Херзберг, кој исто така ги проучува вагиналните бактерии, направи своја верзија на експериментот со бактерии земени од бремена жена.
-Во овој случај резултатот е кисело млеко најверојатно со големо количество на млечни протеини. Сепак, не станува збор за вкусен јогурт, објаснува таа.
Иако сето ова звучи мошне бизарно, Херзберг вели дека луѓето треба да ја гледаат големата слика и потенцијалот кој го има самото истражување. Доколку микробилозите изнајдат начин како да ги размножат овие бактерии еден ден жените би можеле да ги чуваат во фрижидер и да ги користат по потреба секогаш кога ќе имаат некој проблем како габична инфекција или бактериска вагиноза.