Недостатокот од светлина го отежнува гледањето во темнина, но по сè изгледа дека тоа наскоро ќе биде далечно минато благодарение на група биохакери од Калифорнија.
Тимот научници тврди дека пронашол начин како да ја инјектира способноста за ноќно гледање во човечките очи. Тие го тестираа својот раствор на доброволец кој имал способност да гледа на растојание од 50 метри во потполна темнина во текот на неколку часа.
Тој можел да ги забележи луѓето како трчаат низ шумата во темнина 100 проценти од времето, за разлика од другите луѓе кои не користеле капки и биле успешни само во третина од случаите. За време на експериментот е користен раствор наречен хлорин е6 што може да се најде во риби кои живеат на голема длабочина. Истиот се користи и во истражувањата поврзани со разни видови на рак. Комбинирајќи го овој раствор со инсулин и физиолошки раствор, тимот создал течност што го подобрува видот во темнина.
Сепак, научниците препорачуваат луѓето да не го спроведуваат експериментот на своја рака.
-Една ваква процедура треба да ја изведува експерт во соодветна средина поради тоа што грешките можат да предизвикаат штета на очната површина, солзите и потенцијално губење на видот, објаснуваат тие.