Научниците од институтот за технологија Северски од Русија објавија дека откриле материјал преку кој е можно да се обноват човечките коски. Ова откритие наречено био-цемент, е од огромно значење и тестовите покажале дека човечкиот организам не го одбива тој материјал како некое страно тело.
Научниците веруваат дека е можно да се користи тој материјал и во други сфери на човечкото делување, а не само во хирургијата. Во практика, со овој материјал може да се надомести човечкото коскено ткиво, односно некоја изгубена коска.
- Најинтересно е што на местото на човечката коска каде што се користи овој материјал, човечкото коскено ткиво целосно се обновува и е во склад со здравиот дел на коскеното ткиво. Сите компоненти на овој материјал се природни и поради тоа телото не ги одбива, изјави Виталиј Гузеев, шеф на лабораторијата за функционални композитни материи.