Кондомите нè штитат од полово преносливите болести и од непланираната бременост, но и покрај тоа повеќето мажи не се чувствуваат пријатно кога треба да ги навлечат на својот полов орган. Група на австралиски научници се надева дека ќе ги направи овие заштитни средства попривлечни за користење благодарение на посебниот хидрогел материјал на кој што работи.
Хидрогеловите се цврсти и флексибилни материјали кои досега се користеа кај очните инпланти и крвните садови. Научниците се надеваат дека ќе успеат да ги искористат нивните својства и во создавањето на идеалниот кондом.
-Нашата првична идеја беше да докажеме дека оригиналниот материјал може да го замени латексот. Резултатите покажуваат дека хидрогеловите се доволно цврсти и во суштина можат да ги задржат малите био молекули, вели Роберт Горкин, еден од научниците кои работат на проектот.
Откако ќе утврдат дали хидрогелот ги исполнува сите услови од него да се изработуваат кондоми, тимот планира да открие дали истиот би имал и други функционалности како самоподмачкување, биоразградливост или електрична спроводливост.