Најважната работа на која можете да го научите своето дете е самоконтролата, тврдат науччниците.
Новото истражување покажа дека родителите кои своето дете го научиле на самоконтрола можат да видат огромна предност и тоа не само краткорочно, туку и во понатамошниот живот како што се неговите работни навики кои се дел од карактерот. Експертите тврдат дека далеку е поголема веројатноста дека таквите деца еден ден ќе пронајдат работа.
- Студијата ја нагласува важноста за дознавање на самоконтрола уште од раната животна доба бидејќи тоа дава предвидувања на перспективата за вработување во зрелите години, вели водечкиот истражувач Мајкл Дејли од Универзитетот Стирлинг во Шкотска.
Истражувањето е објавено во списанието Association for Psychological Science.
Студијата покажа дека децата со висок степен на самоконтрола подобро обрнуваат внимание, тие се повеќе истрајни во решавањето на тешките задачи и се во можност да го потиснат несоодветното или импулсивното однесување. Поради тоа е многу поверојатно да најдат и да ја задржат работа во зрели години, а дури и 40 отсто тие помалку време поминуваат како невработени отколку децата кои немаат самоконтрола.
Истражувачите спроведоа две студии кои вклучуваат повеќе од 15.000 британски деца со цел да се испита односот помеѓу самоконтрола и невработеноста кај возрасните.