Британските научници најдоа докази дека депресијата освен тоа што влијае врз работата на нашиот мозок може да направи промена и на ДНК-та и начинот на кој клетките генерираат енергија.
Истражувајќи ги геномите на 11,500 жени научниците забележале метаболични промени во клетките кои се предизвикани од нивната депресивната состојба. Најзначајно откритие е тоа што жените кои имале депресија предизвикана од некое трауматично искуство од детството поседуваат повеќе митохондријалната ДНК од оние жени кои немаат таква депресија. Митохондриите ја снабдуваат клетката со енергија, па зголемувањето на митохондријалната ДНК ги наведува научниците на заклучокот дека стресот прави промена во самите клетки. Освен во митохондриите е забележана промена и во краевите од хромозомите.
Научниците ја тестирале својата теорија за поврзаноста помеѓу депресијата и ДНК-та врз лабораториски глувци, по што потврдиле дека оние глувци кои биле изложени на повеќе стрес имаат зголемена митохондријалната ДНК. За среќа промените кои што се случуваат во клетките се делумно реверзибилни. Тимот се надева дека во иднина набљудувањето на митохондријалната ДНК ќе помогне во откривањето дали некоја личноста ја надминала траумата.
-За сега знаеме само за поврзаноста на молекуларните маркери и депресијата. Сакаме да дознаеме како се менуваат во текот на времето, пред, за време и по депресивната состојба. Таа информација ќе ни каже многу за нивната клиничка употреба, вели главниот генетичар на тимот, Џонатан Флинт.