Секоја година, Изгубеното езеро во Орегон, се полни со вода кога снегот и ледот почнуваат да се топат, но целото езеро исчезнува низ една дупка. Овој феномен со години ги збунува научниците.
Тие сметаат дека дупката е отворена вулканска „цевка“ која настанува поради големите теченија на лава, која на површината се стврднува, но под земјата се уште е во течна состојба и продолжува да тече. Кога лавата под површината истекува, останува празна цевка, односно подземен тунел.
За овој феномен нема дилеми, но она што ги збунува научниците е каде истекува водата. Слични одводи се откриени уште на неколку езера, но ниедно од нив не исчезнува целосно, како што е овој случај.
Џуд Макхју, портпарол на Националниот парк Виламети, смета дека конечното одредиште на водата се уште не е утврдено, но верува дека се одлива во голем подземен резервоар кој потоа извира во неколку потоци. Сепак, локалните научници не сакаат дупката да се запечати, бидејќи во тој случај би дошло до излевање на вишокот вода која би предизвикала штети на околниот пат.