Фобиите од возење во лиф не се ретки меѓу луѓето. За среќа, реалните смртни случаи предизвикани од несреќа со лифт се исклучително ретки.
Сепак, истражувачите на МИТ Центарот за биомедицински инженеринг го откриле најдобриот начин да преживеете доколку некогаш се најдете заглавени во лифт кој паѓа.
Сте размислувале ли некогаш што би се случило доколку страшната помисла која ви поминува низ глава додека се возите во лифтот стане реалност? Веројатно инстинктивно би ви дошло да клекнете и да ги гушнете колената, очекувајќи удар. Но, силната сила на гравитацијата би ви оневозможила да ја одржувате тежината на сопственото тело.
Според истражувањата на научниците на МИТ Центарот за Биомедицински инженеринг, за да ги зголемите жансите да преживеете пад на лифт, морате да легнете на подот, на средината од лифтот, бидејќи така рамномерно ќе ја распоредите тежината на телото и најоптимално ќе ја распоредите силата на ударот по целата површина на телото.
Но, пред да почнете да го вежбате ова однесување за случај на пад на лифтот, треба да знаете дека фаталните несреќи предизвикани од пат на лифт се навистина многу ретки. Веројатноста дека тоа ќе ви се случи изнесува 0,00000015%. Повеќето несреќи се предизвикани од расипани врати, заради што луѓето се заглавуваат или пропаѓаат во празен лифт.
Колку за споредба, веројатноста дека ќе паднете од скали е 60 пати, а од ескалатор 15 пати поголема од веројатноста дека лифтот во кој се возите ќе падне. Така што, се додека лифтот е во исправна состојба, истиот претставува најсигурна опција.